Өрөспүүбүлүкэтээҕи аахсыйа алтыс төгүлүн ыытылынна. Өрөспүүбүлүкэбитигэр “Оҕо саас” сыла биллэриллибитинэн ааҕааччыга сүрүн оруол оҕоҕо ананна. Биһиги нэһилиэкпитигэр күөххэ үктэммиппитин бэлиэтии, сайылык күнүгэр сөп түбэһиннэрэн уолаттар ааҕыыларын ыыттыбыт. Романов Ньургун, Руфов Эрхан уонна Санников Саян, Тимофей Сметанин “Мэхэлэчээн булчут кэпсээннэрэ” айымньытыттан “Куһу ураҕаһынан да бултуурбут” кэпсээни бэрт сэргэхтик, итэҕэтиилээхтик ааҕан иһитиннэрдилэр.