Н.Г.Золотарев- Якутскай төрөөбүтэ 115 сылын бэлиэтии нэһилиэк библиотекатыгар кэккэ тэрээһиннэр ыытылыннылар. “Баай фантазиялаах суруйааччы” диэн кинигэ быыстапката дьон болҕомтотун тарта. Маҥнайгы кылаас оҕолоругар “Эһээ Ньукулай остуоруйаларын” истии буолла, остуоруйаны кэпсээтэ библиотекабыт бэтэрээн үлэһитэ А.Р.Санникова. Бу күн, куобахтан куттас ким баарын, эһэлээх бөрө иирээннэрэ туохтан буолбутун, Саатыыр кыыс тоҕо ыйга тахсыбытын туһунан биллилэр.

Үрдүкү кылаас оҕолоругар уонна улахан дьоҥҥо Харбалаах нэһилиэгин библиотеката тэрийэн ыытар “Солотуураптыы суруйуу” ыытылынна. Бу суруйуу уратыта бэлэм тиэкискэ көтүтүллүбүт тыллары суруйан биэрии. Суруйааччы “Ойуур луохтуура” уонна “Төлкө” айымньыларыттан быһа тардыыны толорон бэйэлэрин бэрэбиэркэлэннилэр. Сонун суруйууну сэҥээрэн суруйдулар, тыл баайын хаҥатарга табыгастаах диэн, бэлиэтээтилэр. Кыайыылаахтар Добун, кыттааччылар Туоһу суругунан наҕараадаланнылар.

Кыттыбыт дьоммутугар уонна тэрийбит Харбалаах библиотекатын сэбиэдиссэйигэр Р.А.Николаеваҕа махталбытын тиэрдэбит.