Григорий Иванович Константинов 1918 сыллаахха ҮөһээБүлүү оройуонун Дүллүкү нэһилиэгэр төрөөбүтэ. “Арбаҥда” колхозка биригэдьииринэн үлэлээбитэ.
1942 сыл бэс ыйын 1 күнүгэр Ийэ дойдутун көмүскүү барарга бэбиэскэ туппута. Бары байыаннай бэлэмнэниини ааһан атырдьах ыйын 24 күнүгэр Сталинград куорат иһин кыргыһыыга кыттыбыта. 284 №ээх стрелковай полкаҕа сылдьан 26 күн сэриилэспитэ. Атаакаҕа киирэн иһэн атаҕар бааһыран госпитальга эмтэммитэ.
Үтүөрэн,1264 №дээх стрелковай полкаҕа киирэн Курскай тоҕойго ынырыктаах кыргыһыыга геройдуу охсуһан 1943 сыллаахха балаҕан ыйын 27 күнүгэр “Хорсунун иһин” медалынан наҕараадаламмыта,полк командира подполковник Кустов Алексей Федорович этэ. Бу стрелковай полкаҕа сэриилэһэн иккиһин “Хорсунун иһин” медалынан наҕараадаламмыт. Орёл куораты босхолооһуҥҥа геройдуу охсуһан “Кыһыл сулус” орденынан наҕараадаламмыт. Киниэхэ ол туһунан бириэмэннэй дастабырыанньа бэриллибит. Ол эрээри наҕараадаламмыт орденын ылбатах. Дастабырыанньатын батальон командирын политчааска солбуйааччы ылан баран туттарбатах. Ону маннык докумуонтан көрөбүт: “Для передачи тов. Константинову Г.И. Ваше письмо от 11 марта 1945 г. на имя Софьи Петровны Сидоровой с просьбой ходатайствовать перед соответствующими органами о восстановлении вам правительственной награды, нами было принято на производство и получен ответ от Главного Управления кадров Наркомата Обороны СССР от 11 июня 1946 г. за №ГУК (2) и 1291, где сообщают,что ими дано распоряжение отделу кадров Забайкальского фронта вручить Вам орден Красной Звезды.
Бу докумуон анныгар Саха АССР Верховнай советын Президиумун секретара Пономарев илии баттаабыт.1945 сыл атырдьах ыйын 7 күнэ. Ити кэнниттэн Белорусскай фроҥҥа сэриилэспит.
1944 сыл кулун тутар 2 күнүгэр бойобуой операция кэмигэр рядовой Константинов өстөөх траншеятыгар бастакынан ыстанан киирбитэ. Өстөөх атаакатын төттөрү охсууга кини гранатанан немец танкатын умаппыта. Ити хорсун быһыытын иһин таб. Константинов Григорий Иванович “Албан аат” 111-с степэннээх орденынан наҕараадаламмыта.
Сэрии кэннэ Дүллүкүгэ норуот хаһаайыстыбатын араас салаатыгар уһуннук үлэлээбитэ.
