Саха Өрөспүүбүлүкэтин Ил Дархана Айсен Николаев балаҕан ыйын 7 күнүгэр 2023 сыллаахха Оһуохай күнүн олохтуур туһунан Ыйаахха илии баттаабыта.
Ыйаах Арассыыйа норуоттарын култуураларын үйэлээх баайын эбийиэгин – саха төрүт үҥкүүтүн «Оһуохайы» харыстыыр уонна тарҕатар соруктаах.
Оһуохай күнэ ыам ыйын 25 күнүгэр бэлиэтэнэр буолбута.
Онон сиэттэрэн эһиэхэ Дүллүкү, Хомустаах нэһилиэктэрин, Үөһээ Бүлүү улууһун Бочуоттаах олохтооҕо “За вклад в развитие народного художественного творчества Республики Саха (Якутия)” знак хаһаайынын, Үлэ Ветеранын, Саха Өрөспүүбүлүкэтин Культуратын туйгунун
ФЕДОРОВ ВАСИЛИЙ ДМИТРИЕВИЧ кинигэтин киэҥ эйгэҕэ таһаарабыт.
Василий Дмитриевич 1937с. Үөһээ Бүлүү оройуонун, II-c Боотулуу нэһилиэгэр, Бэтилиэккэ колхозка, Федоровтар дьиэ кэргэҥҥэ үһүс оҕонон, кэтэһиилээх уол, күн сирин көрбүтэ.
Сэрии сылларын ыар алдьархайын, аччыктааһыны этинэн- хаанынан билбитэ, ол кэмнээҕи тиийиммэт- түгэммэт кыһалҕа кыһайан түөрт эрэ кылааска үөрэммитэ.
Колхозка, совхозка, тутууга, эргиэҥҥэ, араас салайар үлэлэргэ, бочуоттаах сынньалаҥҥа тахсыар диэри, үтүө суобастаахтык, үрдүк таһаарыылаахтык үлэлээбитэ.
Оһуохайга кыра оҕо эрдэҕиттэн эриллэн, кэлин баҕа өттүнэн оҕо оһуохайын сайыннаран нэһилиэгэр, баһылык Ан И.И. өйөөһүнүнэн, күүстээх түмсүүнү тэрийбитэ. Уһуйуллааччылара улууска, өрөспүүбүлүкэҕэ, тас дойдуларга тиийэ Бүлүүлүү оһуохайын дьиэрэтэр буоллулар. Сыралаах үлэтэ сыаналанан элбэх наҕараадалардаах.
Үөһээ Бүлүү Сургуулугуттан төрүттээх Ефимова- Федорова Мария Васильевналыын (1932-1997 сс.) биэс кыыстаахтар. Элбэх сиэннээрдээх, хос сиэннэрдээх.
Дүллүкү нэһилиэгэр олорон ааспыт, уран тыллаах оһуохай этээччилэри үйэтитээри Дорофеев Н.П. кыттыгас таһаарбыт “Дүллүкү түһүлгэтэ ХХ үйэҕэ”, 2 чаастаах уонна бэйэтин оһуокайдара киирбит, авторскай “Кылыһах кыҥкыныы көтүөхтүн” улуустааҕы Культура Управлениетын методическай киинигэр, 2000-2001 сс., “Айылҕам бэлэҕин уунабын” ааптар бэйэтэ эппит, суруйбут, талыллыбыт оһуохайдара, уһуйбут оҕолоруттан ахтыылар киирбит 2018 с. оҕолорун өйөбүллэринэн бэчээттэммит кинигэлэрдээх.
Василий Дмитриевич “Дүллүкү түһүлгэтэ ХХ үйэҕэ” бастакы чааһа.
Дүллүкү-түһүлгэтэ-ХХ-үйэҕэ