Саха Сирин бары улуустарыгар, куораттарыгар Аҕам саастаах дьон күннэригэр анаммыт дэкээдэ чэрчитинэн бэрт үгүс тэрээһиннэр утум-ситим ыытылла тураллар. Ол курдук, улуустааҕы «Ханыы күн- доруобуйа күнэ» бырайыак үлэтинэн нэһилиэкпит аҕам саастаахтарыгар «КОРНХОЛЛ» успуорт көрүҥэр күрэх ыытылынна. Күрэҕи иилээн- саҕалаан ыытта нэһилиэкпит успуорт инструктора Илья Семенович Мордовской. Бастаан эти- сиини чэбдигирдэр хамсаныылары ыытта, оонньуу быраабылатын билиһиннэрдэ. Ону сэргэ олохтоох библиотека үлэһитэ «Изо- терапия» диэн саҥа көрүҥү киллэрдэ. Улахан лиискэ ким хайдах настарыанньалааҕынан, туруктааҕынан уруһуй уруһйудаатылар.
Күрэх түмүгүнэн эр дьоҥҥо спорду өрө туппут, бары көрүҥҥэ кыттыыны ылар Титов Семен Васильевич бастакы миэстэни ылыан ылла. Иккис миэстэни буулдьанан ытыыга кэккэ ситиһиилэрдээх Егоров Александр Иванович ылла.
Кэрэ аҥардарга эргиччи талааннаах Семенова Наталья Григорьевна бастакы миэстэни ылла, иккис миэстэни көхтөөх Ильина Нина Николаевна, үһүс миэстэни «Күбэйэ» түмсүү солбуллубат чилиэнэ Герасимова Декабрина Ильинична ылла.
Күндү дьоммут Эһиги үлэҕэ сыһыаҥҥыт, олоххо баай көрүүгүт, олус үөрүйэххит, санааҕыт күүстээҕэ биһиэхэ холобур буолар. Оҕолоргут, сиэннэргит истиҥ сыһыаннарыгар угуттанан кытаанах доруобуйаланын, уһун үйэлэнин, үөрүү эйгэлээх дьоллоох олохтонун!
