Улууспутугар хас оптуорунньук ахсын доруобуйа күнэ ыытыллар. Бу бырайыак чэрчитинэн Саха төрүт оонньууларын хабылыкка уонна хаамыскаҕа маастар- кылаастар ыытылыннылар. Иилээн- саҕалаан ыытта, улууска биллэр биир бастыҥ оонньооччубут Дария Владимировна Афанасьева, ону тэҥэ түөлбэ, тэрилтэ, нэһилиэк чиэһин элбэхтик көмүскээбит Людмила Николаевна Дорофеева.
Оптуорунньук ахсын араас хабааннаах эти- сиини чэбдигирдэр, доруобуйаҕа туһалаах тэрээһиннэр буолалларын оҕолор да олохтоохтор да сэҥээрэн кыттыыны ылаллар. Бүгүҥҥү тэрээһиммитигэр үгүс өттө оҕо- аймах кэлбитэ сүрдээҕин үөрдэр, төрүт оонньууларбыт инникилээҕин мэктиэлиир.
Аныгыс оптуорунньукка көрсүөххэ диэри.
