📚📕📘Нэһилиэк библиотеката Улуу Кыайыы күнүгэр аналлаах “Ким да умнуллубат, туох да умнуллубат!” биктэриинэни иккис сылын ыытар. Бастакы сылыгар дьиэ кэргэнинэн, онтон быйыл тэрилтэлэр икки ардыларыгар ыытылынна.
Өй оонньуутун балаһыанньата эрдэ тэрилтэлэринэн ыытыллан, кыттар дьон бэлэмнэнэн кэллилэр.
Оонньуу сыалынан- соругунан
Аҕа дойдуну көмүскүүр Улуу сэрии туһунан билиини-көрүүнү кэҥэтии, тургутуу, кинигэни ааҕыыга угуйуу,
тэрилтэ үлэһиттэрэ түмсүүлээх буолалларыгар көҕүлээһин буолар.
Оонньуу түһүмэхтэрэ:
- Аҕа дойду сэриитин туһунан уопсай ыйытыыларга эппиэттээһин.
- Кыайыыга кынаттаабыт ырыалары таайыы.
- Саха сирин буойун- суруйааччыларын балаһалара.
- Дойдум дьоно – Аҕа дойду Улуу сэриитин кыттыылаахтара.
- Герой оҕолор.
🎖️🎖️🎖️
Олус интэриэһинэй ыйытыылардаах, киһи билбэтин билэн барар тэрээһинэ буолла. Мин былырыыҥҥы оонньуу кыайыылааҕа буоламмын быйыл дьүүллүүр сүбэҕэ үлэлэстим. Биктэриинэҕэ 1 миэстэни Дүллүкү орто оскуолатыттан “Катюша” хамаанда, 2 миэстэни оҕо уһуйааныттан “Огонёк” хамаанда, 3 миэстэни сынньалаҥ кииниттэн “Брестская крепость” хамаанда ыллылар. Кыттааччылар георгиевскай лиэнтэлэри туттулар. кыайыылаахтарга грамоталары туттардылар. Бэлиэ күнү көрсө дьоһун тэрээһини библиотекарь Яна Октябровна Борисова салайан ыытта.
Алина Санникова, 8 кылаас, “Эрчим” корпост, Дүллүкү.
