Олунньу 12 күнүгэр  Саха Өрөспүүбүлүкэтин төрүттээччилэртэн биирдэстэрэ, ХIX үйэ саҕаланыытыгар биллибит судаарыстыбаннай уонна партийнай үлэһит Исидор Никифорович Бараахап олоҕун, үлэтин, саха норуотун инникитин турууласпытын уонна сахалыы тыллаах буоларбытыгар сүҥкэн үлэни ыыппытын туһунан оскуола оҕолоругар аналлаах библиотечнай уруок буолла.

Олунньу 13 күнүгэр оскуола оҕолоругар “Таптыыр Сахам тылынан” Өрөспүүбүлүкэтээҕи кэтэхтэн олимпиада буолла, оҕолор үлэлэрэ улууска бэрэбиэркэҕэ ыытылынна.

Олунньу 14 күнүгэр үгэс буолбут “Сахалыы дьыктаан” быйыл 11 төгүлүн ыытылынна. Сыл аайы кыттааччы ахсаана элбээн иһэрэ кэрэхсэбиллээх. Ону сэргэ “Тылбаас” күрэҕэ буолан ааста. Барыта 12 кыттааччы кыттыыны ылла, куруук да буоларын курдук “Бастыҥтан бастыҥ суруксут”, “Бстыҥ суруксут” уонна “Үчүгэй суруксут” ааттар иҥэрилиннилэр. “Тылбаас” күрэҕин түмүгүн Харыйалаах Уола хас биирдии тылы ырытан, кэпсээн, саха тыла инникилээҕин сырдатан биллэрбитэ олус сэргэх буолла. Кыттыбыт дьон сахабыт тыла- өһө баайын, кэрэтин кэрэхсээн тарҕастылар.