Үөһээ Бүлүүгэ сэтинньи 6 күнүгэр төрөөбүт ийэ тылбыт хараанньыта, сахалыы саҥабыт дорҕоонун эмчитэ, лиҥкибиис-учуонай, саха саарына Мэхээлэ Бөтүрүөбүс Өлөксүөйэп – Дапсы төрөөбүт күнэ — «БИҺИРЭМ ТЫЛ» күнүнэн бэлиэтэнэр.
Хас сылын аайы улууска сэтинньи 6 күнэ сахалыы ыраастык саҥарыы, кэпсэтии күнэ.
Бу күн үгэскэ кубулуйбут Дапсы дьыктаана нэһилиэк билиитиэкэлэригэр ыытыллар. Биһиги нэһилиэккэ дьыктааны суруттарда саха тылын уонна литэрэтиирэтин учуутала Антонина Ивановна Афанасьева. Дьыктаан саҕаланыан иннигэр Мэхээлэ Бөтүрүөбүс Өлөксүөйэп – Дапсы туһунан билиһиннэриини кэпсээтэ.
Түмүккэ, бэҕэһээ Сургуулук сиригэр- уотугар ыытыллыбыт Дапсы муҥхатын көрдүбүт.
Дьыктаан суруйуутугар кыттыбыт дьоммутугар махтанабыт.
