Олунньу 18 күнүгэр Ийэ тыл уонна сурук- бичик күнүгэр анаммыт, үгэскэ кубулуйбут сахалыы дьыктаан суруйуута буолла. Быйылгы дьыктаан тиэкиһэ Алтан Сарын “Тоҕус этиҥ тойуга” сэһэниттэн “Киэһээ айан”диэн кэрчигиттэн быһа тардыыны суруйдулар. Дьыктааны суруттарда саха тылын уонна литературатын учуутала Кыыма Гаврильевна Алексеева.

Түмүккэ бастыҥтан бастыҥ суруксуттар Иванова Наталья Аркадьевна уонна Руфова Надежда Михайловна, бастыҥ суруксуттар Герасимова Клавдия Александровна уонна Семенова Наталья Григорьевна, үчүгэй суруксуттар Санникова Антонина Романовна уонна Герасимов Павел Ильич буоллулар. Хас биирдии кыттааччыга туоһу сурук, кыайыылаахтар Добун суруктарынан биһирэннилэр.

Саха тылбыт сүппэтин туһугар үөрэниэххэйиҥ, үлэлиэххэйиҥ!