Бүгүн библиотекабытыгар “БИБЛИОКҮН-2023” “Бары ааҕабыт” диэн девизтээх “Саха сиригэр уһуйааччы уонна аҕа сүбэһит” сылыгар ананан ыытылынна. Өрөспүүбүлүкэбитигэр V төгүлүн ыытыллар “Кинигэ күүһэ” аахсыйаҕа кытынныбыт. Петр Николаевич Тобуруокапка аналлаах “Бары таптыыр поэппыт” быыстапкаттан саҕалаан айымньытыгар тиийэ аахтыбыт, ырытыстыбыт. Быыстапкаҕа турдулар Петр Николаевич Тобуруокап Дүллүкү орто оскуолатыгар учууталлыыр кэмнэригэр үөрэммит оҕолор, бииргэ үлэлээбит учууталлар ахтыылара уонна атаһыгар Яков Григорьевич Сергеевка 1993 сыллаахха суруйбут суруга оҕолор болҕомтолорун ордук тарта. Айымньыны Дүллүкү орто оскуолатын алын сүһүөҕүн учуутала Санникова Саргылаана Петровна аахта.

“Кинигэ доҕоро- закладка” диэн тиэмэҕэ оҕолор дьиэҕэ сорудах толорон аҕалбыттара. Кинигэни харыстыыр сыалтан саамай ааҕыллар сахалыы литература кинигэлэригэр угуталаатылар, уларсыбыт дьон тутталларыгар.

Араас көрдөөх тэттик киинэлэри көрүү, фотозонаҕа хаартыскаҕа түһүү уо.д.а. тэрээһиннэр ыытылыннылар.

Түгэнинэн туһанан Саргылаана Петровнаҕа улахан махталбытын ыытабыт. Үлэҕэр өссө элбэх ситиһиилэри, дьиэ кэргэҥҥэр дьолу- саргыны баҕарабыт.