Бүгүн Аан дойдуга дьиэ кэргэн күнэ
ХНТ Генеральнай Ассамблеялара 1993 сыллаахха дьиэ кэргэн Аан дойдутааҕы күнүн олохтообута. Бу бырааһынньык Российскай Федерацияҕа бэлиэтэнэр буолбута 20-тэн тахса сыл буолла. Арассыыйаҕа «Дьиэ кэргэн», Өрөспүүбүлүкэбитигэр «Оҕо саас» уонна Үөһээ Бүлүүбүтүгэр «Түмсүү» сылларынан биллэриллибитэ. Дьиэ кэргэн – уопсастыба тулхадыйбат төрдө, омук сайдыахтаах, инникилээх кэскилэ. Дьиэ кэргэн хайдах туруктааҕыттан, кини хайдах дьаһанан олороруттан бүтүн норуот олоҕо тутулуктаах. […]
