Дүллүкү нэһилиэгэр олунньу 25 күнүгэр ханыы күн- доруобуйа күнэ бырайыак чэрчитинэн уонна Дойдуга Аҕа дойдуну көмүскээччи, Өрөспүүбүлүкэбитигэр Ийэ дойдуну көмүскээччи, улууспутугар Бэриниилээх буолуу сылларыгар анаан нэһилиэкпит эр дьонноругар сыал ытыытын күрэҕэ буолан ааста. барыта 15 кыттааччы сыал ытан илин-кэлин түһүстүлэр.
Түмүккэ бэтэрээн ытааччыларга бастакы миэстэни Дмитрий Дяриков, иккис миэстэ Семен Титов уонна үһүс миэстэни Виктор Егоров ыллылар.
Ыччаттар икки ардыларыгар бэргэн ытааччылар ааттара билиннэ, ол курдук бастакы миэстэ Тихон Егоров, иккис миэстэ Николай Седалищев уонна үһүс бочуоттаах миэстэ Владимир Софронов буоллулар.
Эр дьоммут бу күн күннээҕи түбүктэн сынньанан бириэмэлэрин сэргэхтик атааран тарҕастылар.
